ٹرمپ کے ناشتے پر شرکت، بلاول بھٹو دورہ اچانک ملتوی کر کے ایئرپورٹ سے واپس کیوں چلے گئے؟

کراچی: ٹرمپ کے صدارتی ناشتے میں شرکت کے خواہش مند، پیپلز پارٹی کے چیئرمین بلاول بھٹو زرداری نے اپنا دورہ امریکا اچانک ملتوی کردیا۔

ذرائع کے مطابق بلاول بھٹو قریبی رفقا اور سیکیورٹی اسٹاف کے ہمراہ بلاول ہاؤس کراچی سے رات گئے جناح انٹرنیشنل ایئرپورٹ پہنچے۔

پھر اچانک انہوں نے اپنا پروگرام ملتوی کیا اور ایئرپورٹ سے واپس بلاول ہاؤس روانہ ہوگئے جبکہ سیکیورٹی اسٹاف کی بورڈنگ ہوچکی تھی۔

زرائع کے مطابق بلاول بھٹو زرداری کو امریکہ جانے کے لیے بذریعہ دبئی روانہ ہونا تھا۔بلاول بھٹو زرداری نے اچانک سے اپنی روانگی کا پروگرام ملتوی کردیا۔

ابھی تک یہ دورہ ملتوی کرنے کی حتمی وجوہات سامنے نہیں آسکی ہیں۔