توشہ خانہ سے گاڑیاں لینے کا کیس، عدالت نے زرداری اور نواز شریف کیخلاف کیس کا محفوظ فیصلہ سنادیا

احتساب عدالت اسلام آباد کی جج عابدہ سجاد نے سابق وزیر اعظم نواز شریف اور صدر آصف علی زرداری سمیت دیگر کیخلاف توشہ خانہ گاڑیوں کا ریفرنس اسپیشل جج سینٹرل کو بھیجنے کا حکم دیا ہے۔

احتساب عدالت نمبر تین کی جج عابدہ سجاد نے محفوظ شدہ فیصلہ سنایا۔

نیب ترامیم کیس کے فیصلے کے بعد قومی احتساب بیورو کی جانب سے کیس ایف آئی اے عدالت میں بھیجنے کی استدعا کی تھی۔

اس سے قبل سابق وزیراعظم نواز شریف، صدر آصف علی زرداری، یوسف رضا گیلانی و دیگر کے خلاف توشہ خانہ گاڑیوں کے ریفرنس پر سماعت احتساب عدالت کر رہی تھی۔