وزیراعظم کا ارشد ندیم کیلئے 15کروڑ روپے انعام کا اعلان

اسلام آباد : وزیراعظم محمد شہباز شریف نے ملک کے لئے گولڈ میڈل جیتنے پر ارشد ندیم کے لئے 15 کروڑ روپے انعام کا اعلان کردیا۔

وزیراعظم شہباز شریف نے کہا ہے کہ ارشد ندیم کو ملنے والی انعامی رقم پر کوئی ٹیکس کٹوتی نہیں ہوگی۔

اسلام آباد میں منعقدہ تقریب سے خطاب میں وزیر اعظم نے کہا کہ ٹیکس کٹوتی والے یہاں بیٹھے ہیں، انہیں جن سے ٹیکس لینا ہوتا ہے لیتے نہیں ہیں۔

وزیراعظم نے ایف بی آر حکام کو ہدایت کی کہ ارشد ندیم کو ملنے والی انعامی رقم پر کوئی ٹیکس کٹوتی نہ کی جائے۔
اس کے علاوہ وزیر اعظم نے  شہباز شریف نے ارشد ندیم کے کوچ کیلیے ایک کروڑ روپے انعام اور 23 مارچ کو سول ایوارڈ دینے کا اعلان کردیا ہے۔