ایک سیاسی کو صرف 7.5 فیصد لوگوں نے ووٹ دیا، ترجمان پاک فوج

پاک فوج کے ترجمان میجر جنرل احمد شریف چوہدری نے دعویٰ کیا ہے کہ الیکشن میں ساڑھے چھ کروڑ کے قریب ووٹ کاسٹ ہوئے جس میں سے تناسب کے اعتبار سے ایک مخصوص سیاسی جماعت (پی ٹی آئی) کو صرف 31 فیصد ووٹ ملے۔

روالپنڈی میں پریس کانفرنس کرتے ہوئے انہوں نے کہا کہ 8 فروری کو عام انتخابات میں ٹرن آؤٹ 47 فیصد تھا، ساڑھے 6 کروڑ لوگوں نے ووٹ دیا، مخصوص پارٹی کو ایک کروڑ 85 لاکھ ووٹ ملے۔

انہوں نے کہا کہ باقی ووٹ دیگر سیاسی جماعتوں کو ملے، کل ووٹوں کا صرف 31 فیصد ایک مخصوص پارٹی کو ملا، باقی 70 فیصد ووٹ ان کے بیانیے کو نہیں ملا۔

احمد شریف نے کہا کہ نتائج کے حسابسے اکثریت دوسری طرف ہے، جبکہ مجموعی آبادی کے حساب سے صرف 7.5 فیصد لوگوں نے اس جماعت کو ووٹ دیا اور 93 فیصد آبادی ان کے بیانیے کے ساتھ نہیں کھڑی۔

انہوں نے کہا کہ ہمیں یقین ہے کہ اسے ملنے والے ووٹ کا مقصد بھی یہ نہیں کہ ووٹر 9 مئی کے حق اور فوج کے خلاف تھا۔