انٹرنیٹ آزادی سے متاثر ہونے والے ممالک میں پاکستان کا 6 نمبر

انٹرنیٹ سروسز پر نظر رکھنے والے عالمی ادارے فریڈم آن دی نیٹ نے سال 2024 میں انٹرنیٹ آزادی کے حوالے سے ممالک کی فہرست جاری کی ہے۔

اس فہرست میں 24 ممالک شامل ہیں جن کو تین حصوں میں تقسیم کیا گیا ہے۔ پہلا حصہ وہ ہے جہاں پر انٹرنیٹ کی  آزادی نہ ہونے کے برابر ہے۔

جن ممالک میں انٹرنیٹ کی آزادی نہیں اُن میں پہلے نمبر پر چین، دوسرے پر میانمار، تیسرے پر ایران، چوتھا روس، پانچویں ویتنام، چھٹا پاکستان ، ساتواں ترکیہ اور آٹھواں تھائی لینڈ ہے۔

اسی طرح دوسری درجہ بندی اُن ممالک کی ہے جہاں پر انٹرنیٹ کی جزوی آزادی ہے، ان ممالک میں بنگلادیش، انڈونیشیا، انڈیا، سنگاپور، سری لنکا، ملائیشیا، فلپائن اور جنوبی کوریا شامل ہیں۔

رپورٹ کے مطابق اٹلی، آسٹریلیا، فرانس، امریکا، جرمنی، جاپان ، برطانیہ اور تائیوان میں انٹرنیٹ صارفین کو استعمال کی مکمل آزادی ہے اور وہ بغیر کسی پابندی یا بندش کے سروسز استعمال کرتے ہیں۔