سعودی خواتین مصنوعی ذہانت کے شعبے میں مردوں سے زیادہ بااختیار

ریاض: سعودی عرب کی ڈیٹا اینڈ آرٹیفیشل انٹیلیجنس اتھارٹی سدایا نے کہا ہے کہ مصنوعی ذہانت کے شعبے میں سعودی عرب واحد ملک ہے جہاں خواتین کو بااختیار بنایا گیا ہے۔

عرب ٹی وی سے گفتگو کرتے ہوئے سدایا کے ترجمان ماجد الشھری نے کہا کہ مصنوعی ذہانت کے شعبے میں عالمی سطح پر سعودی عرب میں خواتین کو مردوں سے زیادہ با اختیار بنایا گیا ہے ۔

واضح رہے کہ سٹینفورڈ اے آئی انڈیکس 2025 کے مطابق عالمی ماہرین نے سعودی عرب میں مصنوعی ذہانت کے شعبے کا باریک بینی سے مطالعہ کیا ۔

جس میں یہاں کی خواتین کو اس شعبے میں مثالی کارکردگی کا حامل پایا جسے دیکھتے ہوئے یہ کہا جاسکتا ہے کہ سعودیہ میں صنف نازک کو آئی ٹی میں سب سے زیادہ بااختیار بنایا گیا ہے۔