طالب علم نے جنگل کے نیچے ہزاروں سال قدیم شہر حادثاتی طور پر دریافت کر لیا

امریکا میں پی ایچ ڈی کے طلب علم نے ریاست میکسیکو کے جنگل میں مایہ تہذہب کا گم شدہ شہر حادثاتی طور پر دریافت کرلیا۔

برطانوی میڈیا رپورٹ کے مطابق میکسیکو میں 600 قبل مسیح کی مایہ تہذیب سے جڑا شہر دریافت ہوا ہے، جو جنگل کی نیچے غائب ہوگیا تھا اور اسکے اوپر پودے، پیڑ نکل آئے تھے۔

طالب علم کی اطلاع پر ماہرین آثار قدیمہ نے میکسیکو کی جنوب مشرقی ریاست کیم پی چے میں گم شدہ شہر کے مقام کا دورہ کیا۔

اس دوران ماہرین کو وہاں سے اہرام، کھیلوں کے میدان، اضلاع کو ملانے والے کاز ویز، پوشیدہ کمپلیکس بھی ملا ہے

سروے میں یہ انکشاف ہوا ہے کہ ان پودوں کے نیچے ایک شہر کا ڈھانچا موجود ہے، جسے مایہ تہذیب کا بڑا مقام سمجھا جارہا ہے۔

امریکا کی ٹولین یونیورسٹی کے پی ایچ ڈی طالب علم لیوک آلڈ تھامس کے مطابق ٹیم نے مجموعی طور پر 3 مقامات دریافت کیے ہیں، جن میں سے ایک کا سروے سائز اسکاٹ لینڈ کے دارالحکومت کے برابر ہے۔

محققین کے مطابق اس شہر میں رہنے والوں کی تعداد آج اس خطے میں بسے لوگوں سے زیادہ تھی جبکہ یہ اسکاٹ لینڈ سے بڑا شہر تھا، لیوک آلڈ تھامس اور ان کے ساتھیوں نے قریبی کی نسبت سے اس کا نام ویلریانا رکھا ہے۔