واٹس ایپ کا گروپس سے تنگ صارفین کیلیے زبردست فیچر

میٹا کی زیر ملکیت پیغام رسانی کی موبائل اپیلیکیشن واٹس ایپ نے گروپس سے تنگ صارفین کیلیے ایک فیچر متعارف کرادیا ہے۔

یہ فیچر فی الحال آزمائشی طور پر متعارف کرایا گیا ہے جس کی تیاری کا مقصد اُن صارفین کی شکایت کو دور کرنا تھا جن کیلیے گروپ ضروری ہیں تاہم وہ بار بار متاثر ہونے سے بچنا چاہتے ہیں۔

واٹس ایپ کی تکنیکی ٹیم نے ایک ایسا فیچر تیار کیا ہے جس کے تحت صارفین کو صرف اُسی وقت پیغام موصول ہوگا جب انہیں کسی کی طرف سے مینشن کیا جائے گا جبکہ دوسری صورت میں گروپ کے میسجز کے نوٹی فکیشن ظاہر ہوتے رہیں گے۔

فی الحال یہ فیچر بیٹا صارفین کیلیے آزمائش کے واسطے متعارف کرایا گیا ہے جس کی کامیابی کے بعد اسے دو ارب صارفین کو پیش کردیا جائے گا۔