بھارت میں لڑکیاں غیر محفوظ، ٹیوشن سے واپس آنے والی 14 سالہ بچی سے اجتماعی زیادتی

بھارت میں ڈاکٹر کی عصمت دری اور قتل پر ملک گیر احتجاج کے باوجود جنسی درندگی کے واقعات نہیں رک سکے۔

بھارتی میڈیا کے مطابق ریاست آسام میں ٹیوشن سے گھر واپس آنے والی 14 سالہ لڑکی کو زیادتی کا نشانہ بنا کر برہنہ اور بے ہوشی کی حالت میں سڑک پر پھینک دیا گیا۔

عینی شاہدین نے لڑکی کو دیکھ کر پولیس اور ریسکیو حکام کو اطلاع دی جس پر اُسے ریسکیو کر کے اسپتال پہنچایا گیا جہاں اُس کی حالت تشویشناک بتائی جارہی ہے۔

واقعے کے بعد علاقے میں نہ صرف خوف پھیلا بلکہ مکینوں نے سڑکوں پر آکر احتجاج کیا اور شٹر ڈاؤن کروا دیے۔ مظاہرین نے مودی حکومت سے خواتین کی حرمت اور حفاظت کو یقینی بنانے کا مطالبہ بھی کیا۔

واضح رہے کہ بھارتی ریاست مہاشٹرا میں نرس مومیتا کو زیادتی کے بعد قتل کیا گیا تھا جس کے خلاف ملک بھر میں احتجاجی مظاہرے جاری ہیں تاہم پولیس اب تک ملزمان کو گرفتار نہیں کرسکی ہے۔