بیوی کو غیرت کے نام پر قتل کر کے ڈکیتی کا رنگ دینے والا سفاک شوہر گرفتار

پنجاب کے ضلع اوکاڑہ کے قصبے بگوان پور میں سفاک شوہر نے غیرت کے نام پر بیوی کو قتل کردیا۔

تفصیلات کے مطابق ملزم نے بیوی کو قتل کرنے کے بعد اپنے پاؤں پر گولی مار کر خود کو بھی زخمی کیا اور واقعے کو ڈکیتی کا رنگ دینے کی کوشش کی۔

پولیس نے شک کی بنیاد پر شوہر سے پوچھ گچھ کی تو ملزم نے قتل کا اعتراف کرتے ہوئے بتایا کہ اُس نے اپنی بیوی کو غیرت کے نام پر قتل کیا جبکہ واقعے سے بچنے کیلیے اسے ڈکیتی کا رنگ دینے کی کوشش کی۔

پولیس کے مطابق زخمی ملزم کو گرفتار کر کے اسپتال منتقل کردیا گیا۔