فیصل آباد کے سابق ایڈیشنل گھر سے اغوا

پنجاب کے دارالحکومت کے علاقے ستوکتلہ سے نامعلوم افراد نے گھر میں گھس کر فیصل آباد سے سابق ایڈیشنل کمشنر کو اغوا کرلیا۔

ستوکتلہ کے علاقے سے سابق ایڈیشنل کمشنر خادم جیلانی فیصل آباد کو اغوا کر لیا گیا جس کا مقدمہ پولیس نے اہلیہ کی مدعیت میں درج کرلیا۔ پولیس نے اغوا کی دفعات کے تحت مقدمہ 10 نامعلوم افراد کے خلاف درج کیا۔ 

ایف آئی آر کے مطابق ایک روز قبل رات 9 سے 10  نقاب پوش دیوار پھلانگ کر گھر میں داخل ہوئے اور فیملی کو ایک کمرے میں بند کرکے لوٹ مار کی۔

اہلیہ کی مدعیت میں درج ایف آئی آر میں لکھا گیا ہے کہ نقاب پوش افراد نے نقدی، موبائل فونز، پاسپورٹ اور دیگر قیمتی سامان لوٹا جبکہ وہ خادم جیلانی کو اسلحے کے زور پر یرغمال بناکر اپنے ہمراہ لے گئے۔

مسلح افراد جاتے ہوئے ہمارے گاڑی بھی ساتھ لے گئے۔