گیس لیکج کے باعث ماں اور چار بچے جاں بحق، باپ کی حالت تشیوشناک

خیبرپختونخوا کے علاقے ایبٹ آباد میں گیس لیکج کے باعث چار کمسن بچوں سمیت ایک ہی گھر کے پانچ افراد جاں بحق ہوگئے۔

تفصیلات کے مطابق ایبٹ کے شہر نوا میں ایک گھر میں گیس لیکج کے نتیجے میں چار کمسن بچوں سمیت پانچ افراد ہلاک ہوگئے جبکہ والد کی حالت تشویشناک ہے۔

واقعے کے بعد پولیس کی بھاری نفری اور ریسکیو حکام موقع پر پہنچے جہاں سے لاشیں اور زخمی کو اسپتال منتقل کیا گیا۔

پولیس کے مطابق ہلاک ہونے والوں میں شمیم بی بی، دو کمسن بیٹیاں اور دو بیٹے شامل ہیں جبکہ بنارس نامی مزدور کو تشویشناک حالت میں ایوب میڈیکل اسپتال منتقل کردیا گیا ہے۔

واقعہ تھانہ نواں شہر کی حدود کھولہ چوناکاری میں گزشتہ رات پیش آیا، آج پڑوسیوں کی تشویش پر گھر کے دروازے توڑ کر اندر داخل ہوئے۔

واضح رہے کہ گزشتہ دوسال کے دوران کمرے میں گیس بھرنے سے 30سے زاٸد افرادجاں بحق  ہوچکے ہیں۔