کراچی : کورنگی کازوے پر کچرا کنڈی سے خاتون اور بچی کی لاشیں برآمد

کراچی: شہر قائد کے علاقے کورنگی کازوے کے قریب کچرا کنڈی سے خاتون اور بچی کی لاشیں برآمد ہوئی ہے۔

ریسکیو حکام کے مطابق لاشوں پر تشدد کے نشانات ہیں جبکہ لاشوں کو جناح اسپتال منتقل کردیا گیا۔

پولیس نے تصدیق کی کہ کورنگی کازوے کے قریب خاتون اور بچی کی لاشیں ملی ہیں اور واقعے کے حوالے سے مزید تحقیقات کی جارہی ہیں۔

ترجمان کورنگی پولیس کے مطابق کرائم سین سے ایک پتھر ملا ہے جس پرخون لگاہواہے، ہوسکتا ہے اسی پتھر سے قتل کیا گیا ہو۔

ریسکیو ذرائع کے مطابق دونوں لاشوں کو ضروری کارروائی کے لئے اسپتال منتقل کردیا گیا ہے، لاشوں کی شناخت تاحال نہیں ہوسکی ہے۔۔