کراچی ، موٹرسائیکل سوار جنسی درندے کی خاتون سے غیراخلاقی حرکت کی ویڈیو وائرل

شہر قائد کے تھانہ سرسید کی حدود میں بچے کے ساتھ گلی سے گزرنے والی خاتون کو دن دہاڑے موٹر سائیکل سوار نے ہراساں کیا ہے۔

انٹرنیٹ پر وائرل ہونے والی ویڈیو نارتھ کراچی سیکٹر گیارہ اے ٹرومین اسکول کے قریب گلی کی ہے، جہاں دن کے وقت میں ایک خاتون اپنے بچے کے ساتھ گزر رہی تھی تو اُسے موٹر سائیکل سوار نے جنسی طور پر ہراساں کیا۔

موٹرسائیکل پر سوار اوباش جنسی درندہ واردات کے بعد فرار ہوگیا جبکہ خاتون تھوڑی دیر کے لیے سکتے میں آگئی۔

اس سارے واقعے کی ویڈیو گلی میں لگے کلوز سرکٹ کیمرے میں محفوظ ہوگئی جس میں دیکھا جاسکتا ہے کہ اوباش نوجوان پینٹ شرٹ میں مبلوث ہے اور اپر بھی زیب تن کیا ہوا ہے۔

View this post on Instagram

A post shared by Dialogue Pakistan (@dialoguepakistan)

علاقہ مکینوں کا کہنا ہے کہ اس طرح کے واقعات کو روکنے کی فوری ضرورت ہے اور ایسے عناصر کو فوری طور گرفتار کیا جائے، 11اے اور 11بی کا ڈی وائی ڈیٹ روڈ ہے قریب میں ایک امام بارگا ہ بھی ہے اور ٹرومین اسکول والی گلی میں یہ واقعات رونما ہو ر ہے ہیں۔

مکینوں نے حکومت سے مطالبہ کیا ہے اس قسم کے واقعات میں ملوث افراد کو فوری طور پر روکا جا ئے واضع رہے کہ خاتون کے ساتھ غیر اخلاقی حرکت کرنے کا واقعہ سرسید تھانے کی حدود میں پیش آیا ہے