کراچی، ناگن چورنگی کے قریب فائرنگ، 2 افراد جاں بحق

کراچی: شہر قائد میں ناگن چورنگی کے قریب نامعلوم افراد کی فائرنگ سے 2 افراد زندگی کی بازی ہار گئے۔

ریسکیو حکام کے مطابق موٹر سائیکل پر سوار دو ملزمان نے ناگن چورنگی کے قریب فائرنگ کی جس سے دو موقع پر ہی جاں بحق ہو گئے۔

ریسکیو حکام کا بتانا ہے کہ فائرنگ سے ایک شخص شدید زخمی بھی ہوا جسے عباسی شہید اسپتال پہنچا دیا گیا ہے۔

واقعہ کے بعد کی سی سی ٹی فوٹیج بھی سامنے آگئی ہے جس میں موٹر سائیکل پر سوار دو افراد کو فرار ہوتے دیکھا جا سکتا ہے۔