کراچی کی فیکٹری میں سیکیورٹی گارڈ کی فائرنگ، دو غیر ملکی زخمی

کراچی: شہر قائد کے علاقے سائٹ ایریا میں کمپنی کے سیکیورٹی گارڈ کی فائرنگ سے کمپنی ہی کا ملازم زخمی ہو گیا۔

پولیس کے مطابق زخمی ہونے والا ملازم غیر ملکی شہری ہے جسے اسپتال منتقل کر دیا گیا ہے۔پولس کا کہنا ہے کہ غیر ملکی شہری سے تلخ کلامی کے بعد سیکیورٹی گارڈ نے گولی چلا دی تھی۔

پولیس نے واقعے کی تحقیقات شروع کر دی ہیں۔ دوسری جانب وزیرِ داخلہ سندھ ضیا الحسن لنجار نے ڈی آئی جی ساؤتھ سے واقعے کی تفصیلات طلب کر لیں۔

انہوں نے کہا ہے کہ واقعے سے متعلق انکوائری کر کے حقائق کا پتہ لگایا جائے۔وزیرِ داخلہ سندھ نے کہا ہے کہ انکوائری رپورٹ پر مشتمل تفصیلات اور پولیس کارروائی سے آگاہ کیا جائے۔