کراچی میں عید الفطر کا چاند نظر آنے پر ہوائی فائرنگ، دو گھرانوں پر قیامت ٹوٹ پڑی

شہر قائد کے علاقے بلدیہ ٹاؤن میں عیدالفطر کا چاند نظر آنے کی خوشی میں ہوائی فائرنگ سے دو علیحدہ علیحدہ واقعات میں پولیس اہلکار سمیت دو افراد زخمی ہوگئے۔

زخمیوں کی شناخت 26 سالہ رضوان اور سپاہی محمد اسامہ کے ناموں سے ہوئی جنہیں طبی امداد کے لیے اسپتال منتقل کردیا گیا ہے۔

پولیس کے مطابق رضوان جنگل اسکول کے قریب ہوائی فائرنگ کی زد میں آکر زخمی ہوا، پولیس نے مضروب کا بیان لینے کے بعد تحقیقات شروع کردی ہیں۔