کراچی میں ڈاکوؤں نے بینک کا صفایا کردیا

کراچی کے علاقے نارتھ ناظم آباد میں بینک کے لاکرز لوٹ لیے گئے۔

پولیس حکام کا اس حوالے سے کہنا ہے کہ بینک لاکرز لوٹنے کا واقعہ ہفتے اور اتوار کی درمیانی شب پیش آیا، سکیورٹی گارڈ کو گرفتار کر لیا گیا ہے۔

پولیس حکام کے مطابق سکیورٹی گارڈ نے بینک لاکرز لوٹنے میں سہولت کاری کی، ملزمان کو بینک کے اندر لے کر گیا۔

پولیس کے مطابق ملزمان لاکر کاٹنے کے لیے گیس کٹر اور دیگر سامان بھی ساتھ لائے تھے، فوری طور پر نقصان کا اندازہ نہیں ہو سکا، مقدمہ درج کیا جا رہا ہے اور گرفتار سکیورٹی گارڈ سے تفتیش بھی کی جا رہی ہے۔