کراچی میں پکنک پر جانے والی بس کو حادثہ، 7 افراد جاں بحق

کراچی کے علاقے ماڑی پور کے قریب تیز رفتاری کے باعث پکنک پر جانے والی بس اُلٹ گئی، خواتین اور بچوں سمیت 7افراد لقمہ اجل بن گئے۔

ریسکیو حکام کا کہنا ہے کہ بس الٹنے کا واقعہ ماڑی پور ٹرک اڈے کے قریب پیش آیا، حادثے میں 4 بچے اور دو خواتین سمیت 7 افراد جاں بحق ہوئے۔

پولیس کے مطابق بس کو حادثہ تیز رفتاری کے باعث پیش آیا، حادثے کا شکار ہونے والے افراد پکنک منانے جا رہے تھے۔

ریسکیو حکام کے مطابق حادثے میں زخمی ہونے والوں کو اسپتال منتقل کر دیا گیا ہے۔