کراچی میں پولیس کی فائرنگ سے خاتون جاں بحق، نیشنل ہائی وے احتجاج کے باعث بند

کراچی: اسٹیل ٹاؤن میں پولیس مقابلے کے دوران گولی لگنے سے خاتون کی ہلاکت کے بعد اہلخانہ کی جانب سے گزشتہ 15 گھنٹے سے نیشنل ہائی وے پر احتجاج جاری ہے۔

ذرائع کے مطابق ٹریفک پولیس کے مطابق احتجاج کے باعث نیشنل ہائی وے پر ٹریفک معطل ہے جسے  متبادل راستوں پر موڑ دیا گیا ہے۔

ٹریفک پولیس کا اس حوالے سے کہنا ہے کہ ٹھٹہ سے آنے والے ٹریفک کوپورٹ قاسم اور  پھر مہران ہائی وے کی طرف موڑ دیا گیا ہے۔

کاٹھور سے آنے والی ٹریفک کو سومار گوٹھ سے میمن گوٹھ کی طرف بھیجا جا رہا ہے۔شہر سے ٹھٹہ جانے والے ٹریفک کو پورٹ قاسم سے مہران ہائی وے کی جانب موڑا جا رہا ہے۔

پولیس کے مطابق مظاہرین سے مذاکرات کر رہے ہیں تاہم مظاہرین کا مطالبہ ہے کہ پولیس پر مقدمہ درج کیا جائے۔