لاہور میں چوتھی جماعت کی طالبہ کی طالبہ کے ساتھ نازیبا حرکات کرنے والا پرنسپل گرفتار

لاہور میں ایک اسکول کے پرنسپل کو ایک نابالغ طالبہ کے ساتھ مبینہ طور پر غیر اخلاقی حرکات کرنے اور اسے دھمکیاں دینے پر گرفتار کر لیا گیا۔

پرنسپل پر الزام ہے کہ وہ طالبہ کو سنگین نتائج کی دھمکیاں دے کر خاموش رہنے پر مجبور کر رہا تھا۔

پولیس کے مطابق، ملزم جس کی شناخت غلام نبی کے نام سے ہوئی ہے، اپنی ہی اسکول میں چوتھی جماعت کی طالبہ کے ساتھ مبینہ طور پر زیادتی کا مرتکب ہوا۔

سینئر سپرنٹنڈنٹ ڈاکٹر محمد عمر نے بتایا کہ تفتیش سے پتا چلا ہے کہ یہ واقعہ ہنجروال پولیس اسٹیشن کی حدود میں پیش آیا۔ ملزم گزشتہ دو ماہ سے اس کمسن بچی کے ساتھ یہ غیر اخلاقی حرکت کر رہا تھا۔

ملزم نے بچی کو دھمکی دی تھی کہ اگر اس نے کسی کو اس جرم کے بارے میں بتایا تو اسے سنگین نتائج کا سامنا کرنا پڑے گا۔ یہ کیس متاثرہ بچی کی والدہ اقرا عمران کی شکایت پر درج کیا گیا ہے۔

بعد ازاں، ملزم کو انویسٹی گیشن ونگ کے حوالے کر دیا گیا۔ پولیس حکام کا کہنا ہے کہ بچوں کو ہراساں اور ان کے ساتھ زیادتی کرنے والے لوگ کسی رعایت کے مستحق نہیں ہیں۔

اس سے قبل، ملتان میں بھی ایک شخص کو ایک نابالغ لڑکی کے ساتھ غیر اخلاقی حرکات کرنے کے الزام میں گرفتار کیا گیا تھا۔ پولیس پر فائرنگ کی کوشش کے دوران وہ خود کو گولی لگنے سے زخمی ہو گیا تھا۔

اس واقعے کی ایک ویڈیو سوشل میڈیا پر وائرل ہوئی تھی جس میں ملزم کو ایک کمسن بچی کے ساتھ غیر اخلاقی رویہ اختیار کرتے دیکھا گیا تھا۔ اس ویڈیو نے سوشل میڈیا پر شدید غم و غصے کو جنم دیا تھا اور صارفین نے اس کی فوری گرفتاری کا مطالبہ کیا تھا۔

چند روز قبل قصور میں بھی اسی طرح کا ایک واقعہ رپورٹ ہوا تھا۔