مخالفین کی گھر میں گھس کر فائرنگ سے 2 بہنیں جاں بحق

لاڑکانہ: سندھ کے ضلع لاڑکانہ میں دیرینہ رنجش پردو بہنوں کی جان لے گئی ۔

پولیس کے مطابق افسوس ناک واقعہ نذر محلہ میں پیش آیا جہاں مسلح افراد نے گھر میں گھس کر فائرنگ کردی جس کے نتیجے میں 2 بہنیں موقع پر دم توڑ گئیں جبکہ ماں اور باپ زخمی ہو گئے۔

واقعے کے بعد ملزمان فائرنگ کرتے ہوئے فرار ہو گئے جبکہ پولیس اطلاع ملنے پر جائے وقوعہ پر پہنچ گئی۔

پولیس کے مطابق جاں بحق بہنوں کی شناخت 19 سالہ حفیظاں اور 17 سالہ فرح چانڈیو کے نام سے ہوئی جبکہ زخمیوں میں عظمت چانڈیو اور روبینہ چانڈیو شامل ہیں ۔

پولیس حکام کے مطابق واقعہ چانڈیو برادری میں دیرینہ رنجش کے باعث پیش آیا ، پولیس کی جانب سے لاشوں اور زخمیوں کو ہسپتال منتقل کردیاگیا۔