ملک بھر میں موبائل سروس بحال ہونا شروع

ملک بھر میں موبائل سروس کئی گھنٹوں کی معطلی کے بعد اب عارضی طور پر بحال ہونا شروع ہوگئی ہے۔

وزارت داخلہ کی جانب سے جاری بیان میں بتایا گیا ہے کہ ملک کے مختلف حصوں میں بند ہونے والی موبائل سروس جزوی طور پر بحال ہونا شروع ہو گئی ہے۔

وزارت داخلہ کے اعلان کے بعد اسلام آباد کے مختلف علاقوں میں موبائل فون کے سگنلز بحال ہونا شروع ہوگئے جبکہ اگلے چند منٹ میں پاکستان کے مزید علاقوں میں بھی سگنلز بحال ہوجائیں گے۔

قبل ازیں وزارت داخلہ نے ملک بھر میں سیکیورٹی خدشات کے پیش نظر موبائل سروس عارضی طور پر معطل کردی تھی جبکہ اسلام آباد اور راولپنڈی میں  انٹرنیٹ کی سروس بھی متاثر ہوئی تھی، اس کے ساتھ ہی تمام موبائل نیٹ ورکس، فور جی انٹرنیٹ بند کردیا گیا۔