ماں نے آشنا کے ساتھ مل کر 2 سالہ بچے کو قتل کردیا

پنجاب کے علاقے رائے ونڈ میں مبینہ طور پر ماں نے آشنا کے ساتھ ملکر اپنے دو سالہ بچے کو اغواء کرنے کے بعد قتل کروا دیا۔ 

پولیس کے مطابق اذلان کو اس کی سگی ماں نے اپنے آشنا کی مدد سے گھر کے باہر سے اغوا کروایا اور پھر اُسے قتل کروادیا جس کی لاش قصور سے ملی۔

پولیس کے مطابق ماں نے آشنا کے ساتھ ملکر دوسرا نکاح کرنے کیلیے یہ قدم اٹھایا تھا۔ اس سانحے کے بعد پولیس نے جب تفتیش شروع کی تو سارا معمہ حل ہوا اور پھر ماں و آشنا کے خلاف قتل کا مقدمہ درج کیا گیا۔

پولیس نے ملزمان کی تلاش شروع کر دی ہے اور ملزمان کی جلد گرفتاری کی یقین دہانی کرائی ہے۔