انمول پنکی منشیات کے تین مقدمات میں بری

ڈسٹرکٹ اینڈ سیشن عدالت جنوبی نے منشیات برآمدگی کے تین مقدمات میں انمول پنکی کو بری کردیا۔

تفصیلات کے مطابق انمول پنکی کی درخواست پر عدالت نے سماعت کی اور اسے منظور کرتے ہوئے ملزمہ کو تینوں مقدمات میں بری کردیا۔

وکیل صفائی کے مطابق ملزمہ کو 2020, 2021, 2022 کے گزری تھانے میں درج منشیات برآمدی کے کیسز میں بری کردیا گیا ہے۔

انہوں نے کاہ کہ اس مقدمے میں نامزد ملزمان پہلے ہی بری ہوچکے ہیں جن پر الزامات ثابت نہیں ہوئے۔

عدالت نے دلائل سننے کے بعد ملزمہ کی درخواست کو منظور کرتے ہوئے تینوں مقدمات سے بری کرنے کا فیصلہ جاری کردیا۔ وکیل صفائی نے کہا کہ عدالتی احکامات کے بعد اب ان مقدمات میں گرفتاری کا کوئی امکان نہیں ہے۔