نشے کے عادی ماموں نے بھانجے کو گلا کاٹ کر قتل کردیا

لاہور کے علاقے نواب ٹائون میں نشے کے عادی ماموں نے بھانجے کو گلا کاٹ کر قتل جبکہ بہن کو چھریوں کے وار سے زخمی کردیا۔

پولیس حکام کے مطابق نواب ٹائون کے علاقے سمسانی گاں میں ایک گھر میں ساتھ رہنے کی وجہ سے بہن اور بھانجے پر چھری سے حملہ کیا۔

نشے کے عادی ملزم علی حیدر نے تین سالہ بھانجے کا گلا کاٹا جس کے نتیجے میں وہ موقع پر ہی جاں بحق ہوگیا جبکہ ملزم نے اپنی بہن کو چھریوں کے متعدد وار کر کے زخمی کیا۔

واقعے کے بعد پولیس کی نفری جائے وقوعہ پہنچی اور زخمی و جاں بحق بچے کی لاش کو اسپتال منتقل کیا۔ پولیس کے مطابق ملزم واقعے کے بعد فرار ہوگیا جس کی گرفتاری کے لیے چھاپے مارے جارہے ہیں۔