پوتے کوموٹر سائیکل چور بنانے والا دادا گرفتار

کراچی:  پوتے کو موٹر سائیکل چور بنانے والے دادا کو گرفتار کرلیا گیا، 10 سالہ بچے کو گذشتہ روز گرفتار کیا گیا تھا۔

تفصیلات کے مطابق کراچی میں پولیس نے عباس گوٹھ میں چھاپہ مار کر پوتے کو موٹر سائیکل چور بنانے والے دادا کو گرفتار کرلیا۔

ایس ایس پی طارق مستوئی نے بتایا کہ ملزم سیف اللہ بچے کی خالہ کے گھر چھپا ہوا تھا، ملزم نے 10 سال کے شاہ زیب کو موٹر سائیکل چوری کرنا سکھائی تھی۔

ایس ایس پی ویسٹ کے مطابق ملزم سیف اللہ کے مطابق وہ چیکو باغ بلوچستان میں موٹر سائیکل بیچتا تھا۔

طارق مستوئی نے کہا کہ 10 سالہ بچے نے بتایا تھا 5 منٹ میں موٹرسائیکل چوری کر لیتا ہوں گرفتار بچے کی سی سی ٹی وی فوٹیجز بھی حاصل کی ہیں۔

ایس ایس پی ویسٹ نے مزید کہا کہ شاہ زیب نے پولیس کو بتایا تھا وہ آئس کا نشہ بھی کرتا ہے۔