قربانی کا گوشت دینے کے بہانے خاتون سے گھر میں گھس کر زیادتی

راولپنڈی کے تھانہ مورگاہ کے علاقے میں مبینہ طور پر ہوس کے پجاری نے قربانی کا گوشت دینے کے بہانے خاتون کو زیادتی کا نشانہ بنا ڈالا۔

پولیس کے مطابق  مورگاہ کے علاقے میں مبینہ طور پر زیادتی کی سنگین واردات ہوئی جس میں قربانی کا گوشت دینے  کے بہانے گھر آنے والے شخص نے خاتون کو تنہا پاکر مبینہ زیادتی کا نشانہ بناڈالا۔

پولیس  کے مطابق متاثرہ خاتون نے بتایاکہ چودھری طارق سے دو کروڑ روپے میں مکان خریدا  ایک کروڑ 70 لاکھ روپے یکمشت ادا  کرکے قبضہ حاصل کیا  اور رجسڑی کرانے کے لیے طلب کیے گیے۔

انہوں نے پولیس کو بتایا کہ بقایا 30 لاکھ روپے بھی مالک مکان چودھری طارق کو ادا کردییے لیکن وہ ٹال مٹول کرنے لگے اب قبضہ کرنا چاہتے ہیں، تو میں نے سٹے لے لیا۔

خاتون کے مطابق ملزم دوپہر  کے وقت گوشت دینے کے لیے گھر پر آیا اور مجھے اکیلا پاکر میرے ساتھ مبینہ زیادتی کی۔

پولیس ایمرجنسی ون فائیو پر اطلاع دی تو پولیس آگی جبکہ ملزم فرار ہوگیا۔

خاتون نے کہا کہ ملزم کیخلاف مقدمہ درج کیا جائے، متاثرہ کی درخواست پر پولیس نے مقدمہ درج کر کے تفتیش شروع کردی ہے۔