راولپنڈی میں باپ بیٹی نے مسجد میں بوڑھے نمازی کی گردن تن سے جدا کردی

راولپنڈی کے تھانہ صدر بیرونی کے علاقے ائیرپورٹ ہاؤسنگ سوسائٹی سیکٹر فور میں دلخراش واقعہ پیش آیا ہے۔

واقعے میں نفسیاتی مرض میں مبتلا باپ بیٹی نے مسجد میں موجود بزرگ کو چھرے کے وار کر کے بے دردی سے قتل کردیا جبکہ پولیس نے دونوں کو موقع سے گرفتار کرلیا۔

پولیس کے مطابق چوہدری بلال نے بتایا کہ مسجد سے نمازیوں نے اطلاع دی کہ مسجد میں آپ کے والد کے ساتھ کچھ مسئلہ ہوگیا موقع پر پہنچا تو دیکھا والد عبد الفاروق جنکی عمر 72 سال تھی کو کسی نامعلوم نے تیز دھار آلے سے سر تن سے جدا کر کے قتل کردیا تھا۔

اطلاع پر پولیس موقع پہنچی اور شواہد اکھٹے کر کے نعش کو پوسٹ مارٹم کے لیے اسپتال منتقل کرکے ابتدائی تحقیقات کے بعد علاقے میں رہاہش پذیر  باپ بیٹی پچپن سالہ مزمل اور ستائیس سالہ اوشہ کو گرفتار کرلیا۔

ایس ایچ او صدر بیرونی ندیم ظفر کاکہناتھا کہ دنوں باپ بیٹی کے متعلق پتہ چلا ہے کہ زہنی نفسیاتی مرض میں مبتلا ہیں اور ملزمہ چھ سات دن سے سوئی ہوئی نہیں تھی اور دنوں نے سنگین واردات کی جن سے مزید تفتیش جاری اور تفتیش میں صورتحال واضع ہوگی۔