اسکول پرنسپل کی چوتھی جماعت کی 9 سالہ طالبہ سے زیادتی کی کوشش

پنجاب کے ضلع کوٹ ادو میں ایک انتہائی افسوسناک واقعہ رونما ہوا، پرائیوٹ اسکول کے پرنسپل نے چوتھی جماعت کی  9 سالہ طالبہ سے جنسی زیادتی کی کوشش کی جس کا مقدمہ درج کرلیا گیا۔

رپورٹ کے مطابق یہ گھنانی مبینہ کوشش ضلع کوٹ ادو کے علاقے دائرہ دین پناہ میں کی گئی۔

دین پناہ جینڈر کرائمز سرکل کی انچارج سب انسپکٹر سعیدہ خالق کا کہنا تھا کہ طالب علم کی والدہ کی شکایت پر اسکول پرنسپل کے خلاف مقدمہ درج کر لیا گیا ہے۔

انہوں نے مزید کہا کہ پولیس اسکول پرنسپل کی گرفتاری کے لیے چھاپے مار رہی ہے، ملزم کو جلد گرفتار کر لیا جائے گا۔

ایف آئی آر دائرہ دین پناہ پولیس اسٹیشن میں پاکستان پینل کوڈ کی مختلف دفعات کے تحت درج کی گئی ہے۔

ایف آئی آر کے متن کے مطابق چوتھی جماعت کی 9 سالہ طالبہ کو اسکول کے پرنسپل نے اپنے دفتر میں بلا کر جنسی زیادتی کی کوشش کی۔