اسلام آباد میں نجی طالبہ کے ساتھ ساتھیوں کی اجتماعی زیادتی

وفاقی دارالحکومت میں قائم نجی یونیورسٹی کی طالبہ کو مبینہ طور پر اُس کے ساتھیوں نے اجتماعی زیادتی کا نشانہ بنادیا۔

اسلام آباد پولیس کے مطابق متاثرہ طالبہ کی مدعیت میں دو ملزمان کے خلاف مقدمہ درج کیا گیا ہے اور یہ دونوں نجی یونیورسٹی میں متاثرہ کی کلاس میں ساتھ پڑھتے ہیں، جن کے درمیان دوستی تھی۔

ایف آئی آر میں لڑکی نے مؤقف اختیار کیا کہ مزاحمت پر دونوں ملزمان نے اُس کی ویڈیو بنائی اور پھر اسے وائرل کرنے کی دھمکی بھی دی۔

پولیس ترجمان نے بتایا کہ مقدمہ درج ہونے کے بعد زیادتی میں ملوث دونوں دوملزمان کو گرفتار کر لیا گیا ہے، جن سے مزید تفتیش جاری ہے جبکہ مزید پیشرفت کیلیے لڑکی کا میڈیکل بھی کروایا جائے گا۔