صارم قتل کیس، 18 افراد کی ڈی این اے رپورٹ پولیس کو موصول

کراچی: شہر قائد کے علاقے نارتھ کراچی کے اپارٹمنٹ سے اغوا اور زیادتی کے بعد قتل ہونے والے 7 سالہ بچے صارم کیس میں پولیس کو 18 افراد کی ڈی این اے رپورٹس موصول ہوگئی ہیں۔ 

تفتیشی حکام کے مطابق 18 افراد کی ڈی این اے رپورٹس موصول ہوئیں اور سب منفی آئی ہیں جبکہ ابھی کیمیکل ایگزمینیشن رپورٹس کا انتظام ہے جس سے کیس حل ہونے کی ایک آخری امید باقی ہے۔

پولیس کے مطابق ڈی این اے رپورٹس بچے سے ملنے والے نمونوں سے مماثلت نہیں رکھتے۔ واضح رہے کہ 7 سالہ صارم 7 جنوری کو بلال کالونی نارتھ کراچی سے لاپتا ہوا تھا اور اگلے روز اس کی لاش اپارٹمنٹ میں پانی کے ٹینک سے ملی تھی۔