طالبات، خواتین اساتذہ سے زیادتی کی ویڈیوز سامنے آنے پر پرنسپل گرفتار

پنجاب کے علاقے شیخوپورہ میں نازیبا ویڈیوز وائرل ہونے کے بعد پولیس نے نجی اسکول کا پرنسپل گرفتار کرلیا۔

تفصیلات کے مطابق شیخوپورہ کے تھانہ بی ڈویژن نے کارروائی کرتے ہوئے نجی اسکول کے پرنسپل کو گرفتار کیا جس کی شناخت ارسلان کے نام سے ہوئی ہے۔

پولیس کے مطابق ملزم کی اپنے دفتر میں خواتین کے ساتھ نازیبا حرکتوں کی ویڈیوز سامنے آئیں جس کے بعد مقدمہ درج کرلیا گیا ہے۔

پولیس کے مطابق پرنسپل کے موبائل اور ڈی وی آر سے اسکول طالبات، ٹیچرز اور خواتین کے ساتھ نازیبا ویڈیوز برآمد ہوئیں ہیں۔

دوسری جانب وزیراعلیٰ پنجاب نے واقعے کا سخت نوٹس لیتے ہوئے اسکول پرنسپل کیخلاف شفاف تحقیقات کر کے قانون کے کٹہرے میں لانے کی ہدایت کی ہے۔