ٹرک کی 2 رکشوں کو ٹکر،3 افراد جاں بحق، 7 زخمی

حیدرآباد : مہران آرٹ کونسل کے سامنے ٹرک نے دو رکشوں کو کچل ڈالا، حادثے میں 3 افراد جاں بحق اور سات زخمی ہوگئے۔

تفصیلات کے مطابق حیدرآباد میں مہران آرٹ کونسل کے سامنے افسوسناک ٹریفک حادثہ پیش آیا ، جہاں ایک ٹرک دو رکشوں پر چڑھ گیا۔

حادثے کے نتیجے میں تین افراد جاں بحق اور سات زخمی ہوگئے، لاشوں اور زخمیوں کو اسپتال منتقل کردیا گیا اور سول اسپتال میں ایمرجنسی نافذ کردی گئی ہے۔

ریسکیو ذرائع نے بتایا کہ حادثہ ٹرک کے بریک فیل ہونے پر 2 رکشوں سے ٹکر کے باعث ہوا، حیدرآباد میں آٹوبھان روڈ پر فلائی اوور سے اترتے ہوئے ٹرک کے بریک فیل ہوگئے اور بے قابو ٹرک دو رکشوں سمیت گاڑیوں پر چڑھ گیا۔

ذرائع کا کہنا تھا کہ ٹرک کے نیچے دبے رکشوں میں مزید افراد پھنسے ہوئے ہیں، جائے حادثہ پر امدادی کارروائیاں جاری ہیں۔