6 سالہ محمد ابراہیم نے گنیز ورلڈ ریکارڈ بنانیوالے کم عمر کھلاڑی کا اعزاز حاصل کرلیا

6 سالہ محمد ابراہیم نے ایک منٹ میں مارشل آرٹس ککس کے ذریعے 45  بوتلوں کے ڈھکنوں کو کامیابی کے ساتھ کھولا، قبل ازیں یہ ریکارڈ 40  بوتلوں کو ککس کے ساتھ کھولنے کا تھا۔

 محمد ابراہیم پاکستانی تاریخ میں سب سے زیادہ عالمی ریکارڈ بنانے والے ماشل آرٹس ماسٹر راشد نسیم کے صاحبزادے ہیں۔ اس موقع پر پاکستان اکیڈمی آف مارشل آرٹس نے کئی مارشل آرٹس ماسٹرز کو مدعو کیا تھا۔گنیز ورلڈ ریکارڈز نے یہ ریکارڈ نیو کیٹیگری میں منظور کیا۔

محمد راشد نسیم کی صاحبزادی نے بھی 7 سال کی عمر میں گنیز ورلڈ ریکارڈ بنایا تھا، راشد نسیم کے والد اور اہلیہ پہلے ہی اپنا نام گنیز بک آف ورلڈ ریکارڈ میں اپنا نام درج کروا چکے ہیں۔

راشد نسیم کا اس موقع پر کہنا تھا کہ میں اور میرا خاندان مستقبل میں بھی پاکستان کا نام روشن کرنے میں اپنا کردار ادا کرے گا، اب تک 16 شاگرد ورلڈ گنیز بک میں اپنا نام درج کروا چکے ہیں۔

حکومتی سرپرستی کے بغیر یہ سفر بہت مشکل ترین ہوچکا ہے، اب تک ہمت نہیں ہاری، اپنا فن اپنے شاگردوں میں بھی منتقل کر رہا ہوں۔