عاقب جاوید کو بڑا عہدہ ملنے کا امکان

قومی ٹیم کے سابق بہترین فاسٹ بولر اور موجودہ سلیکشن کمیٹی کے سربراہ عاقب جاوید کوپاکستان کرکٹ بورڈ میں اہم عہدے تفویض کئے جانے کا امکان ہے۔

ذرائع کے مطابق پی سی بی سابق قومی فاسٹ بولر اور موجودہ سلیکشن کمیٹی کے سربراہ عاقب جاوید کو نئی ذمے داریاں دینے جا رہا ہے اور انہیں وائٹ بال ٹیم کا ہیڈ کوچ بنائے جانے کا قوی امکان ہے۔

ذرائع کے مطابق گیری کرسٹن کے دورہ آسٹریلیا سے قبل اچانک ہیڈ کوچ کے عہدے سے قبل از مدت مستعفی ہونے کے بعد پی سی بی اب ملکی کوچ پر انحصار کرنا چاہتا ہے اور اسی لیے قرعہ فال عاقب جاوید کے نام نکلا ہے۔

ذرائع کے مطابق عاقب جاوید آئندہ ہفتے شروع ہونے والے دورہ زمبابوے سے اپنی نئی ذمے داریاں سنبھال لیں گے۔

سابق فاسٹ بولر کو پی سی بی نے گزشتہ ماہ انگلینڈ سے پہلے ٹیسٹ میچ میں شرمناک اننگ شکست کے بعد سلیکشن کمیٹی میں شامل کیا تھا۔عاقب جاوید جو سینئر اور جونیئر سطح پر کوچنگ سمیت پی سی ایل میں کوچنگ کا وسیع تجربہ رکھتے ہیں۔