آئرلینڈ کیخلاف ٹی 20 سیریز کیلئے محمد عامر ڈبلن پہنچ گئے

 ڈبلن :قومی کرکٹ ٹیم کے فاسٹ بالر محمد عامر لاہور ائیرپورٹ سے آئرلینڈ پہنچ گئے۔میڈیا رپورٹ کے مطابق آئرلینڈ کے خلاف ٹی 20 سیریز کے لیے محمد عامر کا ویزہ گزشتہ رات جاری ہوا تھا۔

وقت کی کمی کے باعث محمد عامر پاکستان اور آئرلینڈ کے درمیان پہلے میچ میں شرکت نہیں کر سکے البتہ وہ سیریز کے بقیہ دونوں میچز کے لیے ٹیم کو دستیاب ہوں گے۔

ویزا میں تاخیر کے باعث محمد عامر قومی کرکٹ ٹیم کے ہمراہ روانہ نہ ہوسکے تھے، جس کی وجہ سے ان کی سیریز میں شرکت مشکوک ہوگئی تھی۔

قبل ازیں فاسٹ بالر کو ویزا جاری نہ ہونے پر پی سی بی نے کرکٹ آئرلینڈ سے وضاحت مانگی تھی کہ محمد عامر کا ویزہ جاری کیوں نہیں کیا گیا؟۔

ذرائع نے بتایا تھا کہ پی سی بی نے محمد عامر کا ویزہ بروقت جاری نہ ہونے پر کرکٹ آئرلینڈ سے اپنی ناراضی اور مایوسی کا اظہار کیا تھا۔

آئرلینڈ کا دورہ مکمل کرکے پاکستان کرکٹ ٹیم انگلینڈ پہنچے گی جہاں اسے انگلینڈ کے خلاف 4 ٹی ٹوئنٹی انٹرنیشنل میچوں کی سیریز کھیلنا ہے یہ میچز 22 سے30 مئی تک ہوں گے۔