بابر اعظم کی عالمی رینکنگ میں مزید تنزلی

انٹرنیشنل کرکٹ کونسل کی جانب سے جاری ہونے والی تازہ ٹیسٹ رینکنگ میں قومی کرکٹ ٹیم کے سابق کپتان اور اسٹار بلے باز بابراعظم کی مزید تنزلی ہوئی ہے۔

آئی سی سی کی جانب سے جاری ہونے والی تازہ رینکنگ میں بابر اعظم دو درجے تنزلی کے بعد چھٹی پوزیشن سے 8ویں نمبر پر آگئے جبکہ اُن کی جگہ بھارتی بلے باز ویرات کوہلی نے لے لی جن کی تین درجے ترقی ہوئی ہے۔

ٹیسٹ رینکنگ میں نیوزی لینڈ کے ولیمسن پہلے، انگلیںڈ کے جوئے روٹ دوسرے، آسٹریلیا کے اسٹیو اسمتھ تیسرے، نیوزی لینڈ کے ڈیریئل مچل پانچویں، ویرات کوہلی چھٹے، ہیری بروک ساتویں جبکہ بابر اعظم آٹھویں نمبر پر رہے۔

اسی طرح سعود شکیل ایک درجے تنزلی کے بعد 13 سے 14ویں جبکہ محمد رضوان دس درجے ترقی کے بعد 16ویں نمبر پر پہنچ گئے۔