بابر اعظم کی شاندار بیٹنگ، پاکستان نے آئرلینڈ کو شکست دے کر سیریز اپنے نام کرلی

ڈبلن میں کھیلے گئے سیریز کے تیسرے اور آخری ٹی 20 میچ میں پاکستان نے آئرلینڈ کو ہوم گرانڈ پر شکست دے کر سیریز دو ایک سے اپنے نام کرلی۔

پاکستان نے ڈبلن میں کھیلے گئے تیسرے ٹی 20 میچ میں آئرلینڈ کی جانب سے دیا گیا 179 رنز کا ہدف 4 وکٹوں کے نقصان پر 17 اوورز میں بنا لیا۔

کپتان بابر اعظم 42 گیندوں پر 75 رنز کی شاندار اننگز کھیلی، ان کی اننگ میں 6 چوکے اور 5 چھکے شامل تھے۔

محمد رضوان نے 4 چوکے اور 3 چھکوں کی مدد سے 56 رنز بنائے، صائم ایوب 14 رنز بنا کر پویلین لوٹ گئے، افتخار احمد 5 رنز بنا کر آئوٹ ہوئے، اعظم خان 18 رنز بنا کر نائوٹ آئوٹ رہے۔

آئرلینڈ کی جانب سے تین وکٹیں مارک ادائر نے حاصل کیں جبکہ کریگ یونگ ایک وکٹ حاصل کرسکے۔

آئرلینڈنے اس سے قبل پہلے بیٹنگ کرتے ہوئے مقررہ اوورز میں 6 وکٹوں کے نقصان پر 178 رنز اسکور کئے تھے۔