بابر اور رضوان کی عالمی پوزیشن خراب ہوگئی

آئی سی سی کی جانب سے جاری ہونے والی نئی ٹی ٹوینٹی رینکنگ میں قومی ٹیم کے سابق اور موجودہ کپتان کی تنزلی ہوئی ہے۔

آسٹریلیا کیخلاف ٹی20 میں کلین سوئپ شکست کے بعد قومی ٹیم کے بیٹر بابراعظم اور کپتان محمد رضوان کی ایک ایک درجہ تنزلی ہوئی ہے۔

رینکگ کے مطابق آسٹریلیا کے ٹریوس ہیڈ پہلے، فل سالٹ دوسرے، تلک ورما تیسرے اور سوریا کمار یادو چوتھے نمبر پر آگئے۔ 

بابر اعظم اور محمد رضوان ایک ایک درجے تنزلی کے بعد بالترتیب پانچویں اور چھٹے نمبر پر پہنچ گئے ہیں۔

اسی طرح ٹی ٹوینٹی کی بولرز رینکنگ کے ابتدائی دس ناموں میں کوئی پاکستانی کھلاڑی شامل نہیں البتہ حارث رؤف چار درجے ترقی کے بعد 20ویں نمبر پر پہنچ گئے ہیں۔