بھارت کا بلائنڈ کرکٹ ورلڈکپ کیلیے بھی ٹیم بھیجنے سے انکار

بھارت نے ایک بار پھر ہٹ دھرمی کا مظاہرہ کرتے ہوئے پاکستان میں ہونے والے بلائنڈ ٹی 20 ورلڈکپ میں اپنی ٹیم بھیجنے سے انکار کردیا۔

ذرائع کا اس حوالے سے کہنا ہے کہ بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار ہوگیا، یہ ٹورنامنٹ 23 نومبر سے پاکستان میں شروع ہونا ہے۔

بلائنڈ کرکٹ ٹیم کو بھارتی حکومت نے ایونٹ میں شرکت کے لیے این او سی دینے سے انکار کر دیا، جس کی بلائنڈ کرکٹ ایسوسی ایشن نے تصدیق کردی۔

بلائنڈ کرکٹ ایسوسی ایشن کا کہنا ہے کہ 25روز سے حکومت کی اجازت کے منتظر تھے مگر آج وزارت خارجہ نے حکومت کی ہدایت پر این او سی دینے سے انکار کردیا۔