بمراہ میڈیم پیسر بولنے پر ناراض ہوگئے

نئی دہلی:آسٹریلیا کے خلاف پہلے ٹیسٹ میچ سے قبل پرتھ میں بھارتی کپتان جسپریت بمراہ نے پریس کانفرنس کی اور بھارت کی سیریز کی تیاری کے حوالے سے گفتگو کی۔

اس دوران بمراہ ایک رپورٹر کی جانب سے خود کو 'میڈیم پیسر' پکارے جانے پر تھوڑا برا مان گئے۔ رپورٹر نے بمراہ سے سوال کیا کہ ایک میڈیم پیسر آل راؤنڈر کے طور پر بھارت کی کپتانی کرنے پر اّپ کیسا محسوس کررہے ہیں؟

یہ سن کر بمراہ نے فوراً سے رپورٹر کو کہا کہ میڈیم پیسر؟ میں نے 150 کی اسپیڈ سے بھی بولنگ کی ہے، اّپ مجھے فاسٹ بولر کہہ سکتے ہو۔انہوں نے کہاکہ میں خود کو فاسٹ بولر کپتان کے طور پر نہیں دیکھ رہا، میں بھارتی کھلاڑی ہوں اور میرا کام اپنا بیسٹ دینا اور ٹیم کو اّگے لے جانا ہے۔

بمراہ نے مزید کہا کہ سیریز کے لیے ہماری کافی اچھی تیاری ہے، ٹیم میں نئے کھلاڑی بھی ہیں، سیریز میں اچھا کھیل پیش کرنے کی کوشش کریں گے۔