بی پی ایل : محمد رضوان کی امامت میں اسٹیڈیم میں نماز ادائیگی

قومی کرکٹ ٹیم کے وکٹ کیپر محمد رضوان ان دنوں بنگلادیش پریمیئر لیگ کے سلسلے میں سہلٹ میں موجود ہیں۔

محمد رضوان بی پی ایل یعنی بنگلادیش پریمیئر لیگ کے میچ میں کومیلا ٹیم کی نمائندگی کررہے ہیں۔

ٹیم کی پریکٹس کے دوران نماز کے وقت میں محمد رضوان نے کھلاڑیوں کو جمع کر کے نماز ادا کی۔

وکٹ کیپر کی امامت میں بنگلادیش پریمیئر لیگ اور اُن کی ٹیم کے کھلاڑیوں نے نماز ادا کی جس کی تصاویر سوشل میڈیا پر وائرل ہوگئیں۔

واضح رہے کہ یہ کوئی پہلا موقع نہیں جب محمد رضوان نے اسٹیڈیم میں نماز ادا کی ہے بلکہ انہوں نے ورلڈکپ کے دوران بھی بھارت کے اسٹیڈیم میں پانی کے وقفے کے دوران نماز ادا کی تھی۔