دل دہلا دینے والا واقعہ، فٹبال میچ کے دوران بجلی گرنے سے ہلاکت

امریکا کے جنوبی حصے میں واقعے ملک پیرو میں فٹبال میچ کے دوران اسٹیڈیم میں بجلی گرنے سے ایک فٹبالر ہلاک جبکہ 7 زخمی ہوگئے۔

غیر ملکی ذرائع ابلاغ کے مطابق افسوسناک واقعہ ہوانکایو صوبے کے شہر چلکا کے اسٹیڈیم میں مقامی سطح پر کھیلے جانے والے ٹورنامنٹ کے دوران یش آیا جس میں امپائر نے خراب موسم کی وجہ سے کھیل کو روکا۔

میچ روکنے کے بعد جب کھلاڑی میدان سے باہر جارہے تھے تو اس دوران دھماکا ہوا اور پھر اچانک آسمانی بجلی اسٹیڈیم پر گری جس کے نتیجے میں ڈی میں کھڑا 39 سالہ کھلاڑی جوز یوگو ڈٰ لا کروز میزا بری طرح سے جھلس کر موقع پر ہلاک ہوگیا۔

اس کے علاوہ چالیس سالہ گول کیپر جوآن چوکا شدید زخمی ہیں جن کی حالت کو ڈاکٹرز نے تشویشناک قرار دیا ہے۔