دورہ جنوبی افریقہ کے دوران پاکستانی کھلاڑیوں کی سیر و تفریح کی ویڈیو وائرل

پاکستان کرکٹ ٹیم کے کھلاڑی دورہ جنوبی افریقا کے دوران سیرو تفریح سے بھی لطف اندوز ہورہے ہیں۔

قومی کھلاڑی کیپ ٹائون کے تفریحی مقامات کی خوبصورتی سے لطف اندوز ہوتے رہے۔ وائرل تصاویر میں بابر اعظم، حارث رئوف ، محمد حسنین اور شاہین آفریدی سمیت کھلاڑی آئوٹنگ کرتے نظر آئے۔

قومی ٹیم کے سابق کپتان بابراعظم، شاہین آفریدی اور حارث رئوف نے ایک ساتھ تصاویر بنوائیں۔ سابق کپتان نے سیرو تفریح کی تصاویر سوشل میڈیا پر جاری کیں۔ بابراعظم نے تصاویر کیساتھ "برادرز ان اسپرٹ،" کا کیپشن بھی لکھا۔

محمد حسنین نے ساحل پر چہل قدمی کی ویڈیو  اپنے سوشل میڈیا اکانٹ  پر لگائی اور کیپشن میں لکھا کہ  خوشی لہروں کی طرح آتی ہے۔

خیال رہے کہ پاکستان اور جنوبی افریقا کے مابین سیریز کا آخری میچ آج کھیلا جائے گا۔