دوسرا سیمی فائنل: بھارت اور انگلینڈ کے میچ کا ٹاس بارش کے سبب تاخیر کا شکار

بھارت اور انگلینڈ کے درمیان کھیلے جانے والے آئی سی سی مینز ٹی ٹوئنٹی ورلڈکپ میں دوسرے سیمی فائنل کا ٹاس بارش کے سبب تاخیر کا شکار ہوگیا ہے۔

آج دفاعی چیمپئن انگلینڈ اور بھارت کی ٹیمیں ٹی ٹوئنٹی ورلڈکپ کے دوسرے سیمی فائنل میں گیانا میں آمنے سامنے ہوں گی، بارش کی وجہ سے اب تک ٹاس نہیں ہوسکا۔

بھارت اور انگلینڈ کے سیمی فائنل میچ کیلئے ریزرو ڈے کے بجائے 250 منٹ کا اضافی وقت رکھا گیا ہے۔

البتہ مسلسل بارش کے باعث میچ منسوخ ہونے کی صورت میں بھارت سپر 8 مرحلے کے گروپ ون میں اپنی پہلی پوزیشن کی بنیاد پر فائنل میں رسائی حاصل کرلے گا۔

اس سے قبل پہلے سیمی فائنل میں جنوبی افریقا نے 9 وکٹوں سے یکطرفہ مقابلے کے بعد افغانستان کو شکست دیکر پہلی مرتبہ فائنل کیلئے کوالیفائی کرلیا ہے۔