دوسرا ون ڈے، پاکستان نے زمبابوے کو 10 وکٹوں سے شکست دیدی

پاکستان نے زمبابوے کو دوسرے ون ڈے میں اوپنر صائم ایوب کی شاندار سنچری کی بدولت 10 وکٹوں سے شکست دے کر سیریز ایک ایک سے برابر کر دی۔

پاکستان اور زمبابوے کے درمیان 3 ون ڈے میچز کی سیریز  کا آج دوسرا میچ بلاوائیو میں کھیلا گیا جہاں میزبان ٹیم نے پاکستان کے خلاف ٹاس جیت کر بیٹنگ کا فیصلہ کیا۔

 زمبابوے کی بیٹنگ لائن پاکستانی بولرز کے سامنے خاطر خوا کارکردگی نہ دکھا سکی، میزبان ٹیم 32.3 اوورز میں 145 رنز بناکر پویلین لوٹ گئی۔زمبابوے نے پاکستان کو جیت کے لیے 146 رنز کا ہدف دیا۔

پاکستان کی جانب سے ڈیبیو کرنے والے ابرار احمد نے 4، سلمان علی آغا نے 3 اور صائم ایوب اور فیصل اکرم نے ایک ایک کھلاڑی کو آئوٹ کیا جبکہ ایک بیٹر رن آئوٹ ہوا۔

جواب میں 146 رنز کا ہدف پاکستان نے بغیر وکٹ گنوائے 19ویں اوور میں با آسانی حاصل کرلیا، صائم ایوب نیون ڈے کیریئر کی پہلی سنچری اسکور کرتے ہوئے 113 رنز بنائے  جبکہ عبداللہ شفیق 32 رنز بناکر ناقابل شکست رہے۔

دوسرے ون ڈے میں پاکستان کی کامیابی کے بعد سیریز ایک ایک سے برابر ہوگئی ہے۔