افتخار احمد عمران خان کی پوٹریٹ کے ساتھ تصویر بنواکر مشکل میں آگئے

قومی ٹیم کے جارح مزاج بلے باز افتخار احمد نے عمران خان کی پوٹریٹ کے ساتھ ایک تصویر بنا کر شیئر کی ہے۔

سوشل میڈیا پر بلے باز نے تصویر شیئر کرتے ہوئے عمران خان کو اپنا ہیرو قرار دیا۔ اس تصویر میں جے ایف 17 تھنڈر اور پاکستان کا جھنڈا بھی نظر آرہا ہے۔

غالب امکان ہے یہ تصویر جشن آزادی کی مناسبت سے پینٹ کی گئی ہے اور پھر کسی مقام پر افتخار احمد نے اسے دیکھ کر ساتھ تصویر بنوائی اور پھر اسے سوشل میڈیا پر شیئر کردیا۔

افتخار احمد کے تصویر شیئر کرنے کے اقدام پر مداحوں کا ملا جلا ردعمل سامنے آیا۔ کچھ صارفین نے تو اس کی تعریف کی جبکہ کچھ نے انہیں آڑے ہاتھوں لیا۔

ایک صارف نے لکھا کہ آپ اپنے کیئریئر کی ناکامی کے بعد عوامی حمایت حاصل کرنے کیلیے اس طرح کے اقدامات کررہے ہیں تاکہ تحریک انصاف کے کارکنان یا حامیوں کی جانب سے آپ کی حمایت کی جاسکے۔

ایک اور صارف نے لکھا کہ اگر کرکٹ اچھی کھیل رہے ہوتے تو پھر ایسی تصاویر اور اپنی بدترین کارکردگی کو چھپانے کیلیے یہ سب کچھ کرنے کی ضرورت پیش نہیں آتی۔

ایک صارف نے لکھا کہ ’اب افتخار احمد کو ٹیم سے ڈراپ کردیا جائے گا‘۔

x.com

My hero 🇵🇰 pic.twitter.com/GmyJ4eSzks

— Iftikhar Ahmad (@IftiMania) August 11, 2024