فیفا ورلڈکپ کوالیفائر، انڈونیشیا سے سعودی عرب کو اپ سیٹ شکست

انڈونیشیا نے فیفا ورلڈکپ 2026 کے کوالیفائر میچ میں سعودی عرب کو دو گول سے شکست دے کر بڑا اپ سیٹ کردیا۔ 

انڈونیشیا کے دارالحکومت جکارتہ میں کھیلے گئے فیفا ورلڈکپ 2026 کے ایشیئن کوالیفائر گروپ سی کے میچ میں انڈونیشیا نے سعودی عرب کو 0-2 سے شکست دی۔

انڈونیشیا کی جانب سے دونوں گول مارسیلینو نے کیے، پہلا 32ویں جبکہ دوسرا 57 ویں منٹ میں کیا۔ انڈنیشیا کی یہ برتری کھیل کے آخر تک برقرار رہی۔

سعودی عرب کو اپ سیٹ شکست دینے کے بعد انڈونیشیا کی ٹیم گروپ سی میں تیسرے نمبر پر آگئی۔