حارث رؤف نے بمرا کو پیچھے چھوڑ کر اعزاز حاصل کرلیا

قومی کرکٹ ٹیم کے فاسٹ بولر حارث رؤف نے آسٹریلیا کے خلاف شاندار کارکردگی دکھا کر اہم اعزاز حاصل کرلیا۔

آئی سی سی پلیئر  آف دی منتھ کے لیے پاکستان کے حارث رؤف،  بھارت کے جسپریت بمرا اور جنوبی افریقا کے مارکو ینیسن کی بھی نامزدگی ہوئی تھی۔

جس پر شائقین نے ووٹنگ کی اور حارث رؤف کے حق میں سب سے زیادہ لوگوں نے فیصلہ دیا جس کی بنیاد پر انہیں آئی سی سی پلیئر آف دی منتھ قرار دیا گیا ہے۔

حارث رؤف کو نومبر کی کارکردگی کی بنیاد پر پلیئر آف دی منتھ قرار دیا گیا، انہوں نے  آسٹریلیا کے خلاف 3 ون ڈے میچز میں 10 وکٹیں حاصل کی تھیں۔